-12o
Улаанбаатар хот
mobile menu

Монгол хүүхдүүд хөлбөмбөгийн ДАШТ-ий нээлтэд оролцоно

2018-03-14 18:20:00

Олон орны хүүхдүүдэд хөл бөмбөгөөр дамжуулан эх дэлхийн эв нэгдлийн төлөө хамтдаа тоглож, эх орноо сурталчлах томоохон боломж олгодог “Хөл бөмбөг нөхөрлөлийн төлөө” фестивальд оролцох хоёр хүүхдийн нэрийг зарлажээ. Дэлхийн 211 улс оролцдог “Хөл бөмбөг нөхөрлөлийн төлөө” фестивалийг ОХУ-ын Газпром ХК санаачлан ЕХБХ зургаан жилийн өмнөөс хамтран зохион байгуулж эхэлсэн. Сүүлийн хоёр жил ОУХБХ хамтран зохион байгуулж байна.

Улс орон бүрээс 12 хүртэл насны өсвөрийн хөлбөмбөгчин болон сэтгүүлч хүүхэд эх орноо сурталчилдаг энэхүү сонирхолтой хөтөлбөрт Монгол орныг төлөөлөн оролцох хүүхдүүдийн сонгон авах шалгаруулалт 2018 оны гуравдугаар сарын 6-ны өдөр МХБХ-ны байранд болсон аж. Хөл бөмбөгийн мэргэжлийн ур чадвар, англи хэлний бичгийн болон ярианы шалгалтыг амжилттай давсан “ДМЮ” багийн довтлогч Э.Даринчулуун, “Монголын тэмүүлэл” багийн хагас хамгаалагч Ш.Эрхэс нар “Хөл бөмбөг нөхөрлөлийн төлөө” үйл ажиллагаанд эх орноо төлөөлөн оролцохоор боллоо. Э.Даринчулуун, Ш.Эрхэс нар хэн хэн нь Өсвөрийн (U12) УАШТ-ий шилдгээр тодорсон, үеийнхэн дундаа хүлээн зөвшөөрөгдсөн ирээдүйтэй хүүхдүүд аж. Шалгарсан хоёр хүү 2018 оны зургаадугаар сарын 3-18 ны өдрүүдэд ОХУ-ын Москва хотноо очиж фестивалийн үйл ажиллагаанд хамрагдаад зогсохгүй ДАШТ-ий нээлтийн үйл ажиллагаанд өөрсдийн биеэр оролцоно. Мөн тэд МХБХ-ны байранд “Хөлбөмбөг нөхөрлөлийн төлөө” үйл ажиллагааны зохион байгуулах хорооны төлөөлөгчийн хамт хэвлэлийн бага хуралд оролцсон бөгөөд МХБХ-ны Ерөнхийлөгч А.Ганбаатар хүүхдүүдэд мэргэжлийн хөлбөмбөг, холбооны далбааны хамт бэлэглэж ирээдүйн Монголын залуу хөл бөмбөгчдийн түүчээ болох хүндтэй хувь заяа оногдсонд баяр хүргэж амжилт хүслээ. Монгол улсаас шалгарсан Э.Даринчулуун “Горилла” багт хагас хамгаалагчаар тоглож, Ш.Эрхэс олон улсын хүүхдийн форумд Монгол орныг сурталчлан, сэтгүүл зүйн зуны сургалтанд хамрагдан, үйл ажиллагааны болон өөрийн тоглогчийн тухай сурвалжлага, материал бэлдэж Европын болон дэлхийн нэр хүндтэй хэвлэл мэдээллийн хэрэгслүүдээр дамжуулах юм.

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.chuhal.mn хариуцлага хүлээхгүй.
Нийт сэтгэгдэл
  • Recent
  • Most Read
  • Most Comment
Санал асуулга
Гэмт хэргээс урьдчилан сэргийлэх оновчтой аргыг та юу гэж боддог вэ?

Нийт санал өгсөн: 233