Өнгөрсөн амралтын өдөр “Дүнжингаравын хурд-2018" хаврын морин уралдаан Говьсүмбэр аймгийн Баянтал суманд зохион байгуулагдсан. Тус уралдааны үеэр есөн хүүхэд мориноосоо унаж гурав нь эмнэлэгт хүргэгдсэн мэдээ гарсан. Тус уралдааныг зохион байгуулсан хүмүүст хариуцлага тооцохыг Ерөнхий сайд У.Хүрэлсүх Шадар сайд Ө.Энхтүвшинд үүрэг өглөө. Дүнжингарав морин уралдааныг зохион байгуулах үеэр гарсан зөрчил дутагдалд яаралтай дүгнэлт хийж, хууль болон Засгийн газрын тогтоол зөрчсөн бол холбогдох хүмүүст хариуцлага тооцохыг үүрэгдлээ. Бэртэж гэмтсэн хүүхдүүдэд шаардлагатай эмчилгээг яаралтай хийхийг даалгалаа.
