Хүйтний эрч суларна

Ирэх сарын 4-ны өдөр хүртэлх  цаг агаарын урьдчилсан төлөв байдлыг хүргэж байна. Хугацааны эцсээр баруун зүгийн нутгийн зарим газраар бага зэргийн цас орно.бусад хугацаанд бүх нутгаар цас орохгүй.  Салхи 31-нд говь, талын нутгаар секундэд 12-14 метр хүрч явган шуурга шуурна.  Хүйтний эрч суларч  Завхан голын эхээр шөнөдөө 45-50 градус, өдөртөө 29-34 градус, Увс нуур болон Дархадын хотгор, Идэр, Тэс голын хөндийгөөр шөнөдөө 37-42 градус, өдөртөө 24-29 градус, Хүрэн бэлчир, Хэнтэйн уулархаг нутаг, Орхон-Сэлэнгэ, Хараа, Ерөө, Туул, Тэрэлж, Хэрлэн, Онон, Халх голын сав, Дарьгангын тал нутгаар шөнөдөө 31-36 градус, өдөртөө 16-21 градус, говийн бүс нутгийн өмнөд хэсгээр шөнөдөө 15-20 градус, өдөртөө 4-9 градус, бусад нутгаар шөнөдөө 23-28 градус, өдөртөө 10-15 градус хүйтэн байна.