Мексикийн "Maná" хамтлаг 1997 онд "En el muelle de San Blás" буюу "Сан Бласын усан онгоцны зогсоол” хэмээх энэхүү дуугаа бодит түүхээс сэдэвлэн бүтээжээ.
Ребека гэдэг нэгэн бүсгүй хайртай залуугаа Сан Бласын зогсоол дээр 41 жил хүлээгээд 2012 онд 63 насандаа өөд болжээ. Тэрээр сүйт бүсгүйн хувцас өмсөөд хайртыгаа өдөр бүр уйтгарлан хүлээдэг байсан гэдэг. Дурлалт залуу нь загасчин байсан бөгөөд далайн аяллаас буцаж ирмэгцээ түүнтэй гэрлэнэ гэж амлажээ. Харамсалтай нь, залуу хар салхинд нэрвэгдэж, нас барсан тул хэзээ ч эргэж ирж чадаагүй юм. Гэсэн ч бүсгүй цөхрөлтгүй хүлээсээр л...
Хожим нутгийн эрх баригчид Ребекагийн хөшөөг Сан Бласын зогсоол дээр үнэнч хайрын бэлгэ тэмдэг болгон босгохоор шийдвэрлэсэн байна.
