Турк улсын цагдаагийн байгууллагаас Истанбул хотод оршин сууж буй гадаад иргэдэд бичиг баримт, албан ёсны оршин суух зөвшөөрлийн шалгалтыг тогтмол хийж байгаа тул Иргэд та бүхэн тодорхой хугацаанд өөрсдийн бичиг баримтыг биедээ авч явна уу. Монгол иргэдийг баривчилж байгаа талаар мэдээллийг тодруулах зорилгоор Истанбул хотын Цагдаагийн хэв журам сахиулах хэлтэстэй холбогдсон. Монгол иргэдэд чиглэсэн ажиллагаа байхгүй болохыг тус газраас мэдэгдсэн. Албан мэдээлэл ирсэн тохиолдолд Ерөнхий Консулын газраас тухай бүрт мэдээллэх болно.
Эх сурвалж: Истанбул хотод суугаа Ерөнхий Консулын газар