Төрийн өндөр албан тушаалтнуудын хөрөнгө орлогын мэдүүлгийг өнөөдөр олон нийтэд ил боллоо. Ерөнхийлөгч, Ерөнхий сайд, УИХ-ын даргаас эхлээд төрийн албаныханы хэн нь хэдэн төгрөгийн орлоготой, хөрөнгөтэй талаарх мэдээлэл үүгээр ил болдог билээ.
Ингээд төрийн гурван өндөрлөгүүдийн хэн, ямар орлоготой талаарх мэдээллийг хүргэе.
Ерөнхийлөгч Х.Баттулга жилийн 160 сая төгрөгийн орлоготой, гэр бүлийн орлого 31 сая, 912 сая төгрөгийн нэг орон сууцтай, 282 сая төгрөгийн Lexus 570 машинтай. Харин гэр бүлийн орлого нь 31.2 сая төгрөг байсан нь 24 сая төгрөг болж буурсан байна.
Ерөнхий сайд У.Хүрэлсүх Ерөнхий сайд У.Хүрэлсүх жилийн 134 сая төгрөгийн орлоготой, 162 сая төгрөгийн 2 орон сууцтай, Harley Davidson, Harley Davidson- 1, Lexus,570- 1, Mercedes Benz, ML320- 1 машинууд нь 284 саяынх, дансандаа нэг тэрбум, 756 сая төгрөгтэй.
УИХ-ын дарга М.Энхболд нэг жилийн орлого 118 сая төгрөг, нэг тэрбум гаруй төгрөгөөр үнэлэгдэх гурван орон сууцтай, үйлдвэр үйлчилгээ 1, 120 сая төгрөгөөр үнэлэгдэх Тoyoto land cruiser 200 машин нэг ширхэг, 900 сая төгрөгөөр үнэлэгдэх 300 адуутай, хурдан удмын 60 адуутай. Долоон компанид хувьцаа эзэмшдэг. Өөрийн орлого нь 27 сая төгрөгөөр өсч, гэр бүлийн орлогын нийт дүн 50 сая төгрөгөөр буурсан байна.
Т.Хулан