НИТХ-ын ээлжит бус III хуралдаан Хангарьд ордны 14 давхарын хурлын танхимд эхэлсэн. Хуралдаанд 45 төлөөлөгч оролцох ёстойгоос 31 төлөөлөгч хүрэлцэн ирснээр, хурлын ирц 69 %-д хүрч хуралдаан үргэлжилж байна. Хурлын эхэнд НИТХ-ын төлөөлөгч Ц.Одонтунгалаг "НИТХ-аас санаачлан зохион байгуулсан "Газрын харилцаа" хэлэлцүүлэгт өргөдөл гомдлоо гаргасан иргэнийг СХД-ийн Газрын албаны дарга Б.Алтанхундага гэдэг залуу дарамталж, загнан "Яах гэж НИТХ-аас зохион байгуулсан арга хэмжээнд өргөдөл өгсөн юм, тэд юу ч шийдэж чадахгүй" гэж хэлсэн байх юм. Ингэж "том толгой" гаргаж иргэдийг загнаж дарамталсан СХД-ийн Газрын албаны дарга Б.Алтанхундагатай хариуцлага тооцох ёстой" гэв.
