“Монраель-1976” олимпийн наадмын аварга, дэлхийн гурван удаагийн аварга, Якутын нэрт бөх Павел Пинигиний 65 насны ойд зориулсан чөлөөт бөхийн өсвөр үеийн олон улсын тэмцээн (2001-2003, 2004-2005 он) ОХУ-ын Сахагийн “Триумф” спортын ордонд болж байна. Тэмцээнд Монгол, Казахстан, БНСУ, ОХУ-ын бүгд найрамдах улс, муж, хотуудын өсвөрийн бөхчүүд өрсөлдөж байна. Манай улсаас “Арслан” клубийн дасгалжуулагч Ч.Пүрэвбаярын удирдлага дор 2001-2003 оны 45 кг-ын жинд А.Энхболд, 51 кг-д Г.Батнасан, 55 кг-д Б.Баярбаатар, 110 кг-д Н.Сүхбат, 2004-2005 оны 32 кг-д Ш.Буянбат, 38 кг-д А.Эрдэнэмөнх, 42 кг-д Т.Тэнгис, Г.Төгөлдөр, 60 кг-д Б.Тэмүүлэн, Т.Баатарцогт гэсэн тус клубийн 10 тамирчин оролцож байгаа юм. Тус тэмцээнийг олон улсын шүүгч Лутбаярын Ганзориг дэнсэлж байна.
