Авлигатай тэмцэх газраас Төрийн өндөр болон тэдгээртэй адилтгах албан тушаалтнуудын хөрөнгө орлогын мэдүүлгийг энэ долоо хоногт ил болгосон. харин АТГ-аас энэ сарын 6-нд шүүх эрх мэдлийн байгууллагын албан тушаалтнуудын мэдүүлгийг зарлах юм байна. Шүүхийн ерөнхий зөвлөлөөс шүүгчдийн хөрөнгө орлогын мэдүүлгийг ил болгосон ч УИХ-ын гишүүн Х.Нямбаатарын хэлснээр 30 минутын дараа хаасан гэсэн билээ.
Мөн энэ долоо хоногт Ерөнхий сайдын болон ХЗДХ-ийн сайдын эрхлэх асуудлын хүрээний байгууллагуудад ажиллаж буй нийтийн албан тушаалтнуудын хөрөнгө орлогын мэдүүлгийг хураангуй хэлбэрээр олон нийтэд ил болгох ажээ.
