Монголын чөлөөт бөхийн эрэгтэйчүүдийн шигшээ багийн таван тамирчин Сочи хотод ОХУ-ын шигшээ багтай 14 хоногийн хамтарсан бэлтгэл хийлээ. Бэлтгэлд хамрагдсан гавьяат тамирчин Э.Бэхбаяр, ОУХМ Н.Золбоо, Б.Батмагнай нар тэндээсээ АНУ руу Дэлхийн цомд оролцохоор явсан бол энэ жилийн Роман Дмитриевийн олон улсын тэмцээний аварга Т.Тулга, М.Лхагвагэрэл нар дасгалжуулагч Б.Батзоригийн хамт нутгийн зүг хөлгийн жолоо залж байна. Т.Тулга, М.Лхагвагэрэл нарын хувьд ирэх амралтын өдрүүдэд Зуунмод хотод болох залуучуудын УАШТ-д оролцох юм.
