Японы мэргэжлийн сүмогийн жүнгё ёслолын нээлтийн үеэр үг хэлж байсан 67 настай Майзүрү хотын захирагч дохё (дэвжээ) дээр ухаан алджээ. Ухаан алдсан Майзүрү хотын захирагчид анхны тусламж үзүүлэхээр үзэгчдийн дундаас нэгэн эмч мэргэжилтэй бүсгүй сандран гүйсээр дохёд гарч хиймэл амьсгал хийсэн байна. Удалгүй микрафоноор дээрх бүсгүйчүүдийг дохёгоос буухыг шаардсан бөгөөд сүмогийн дэвжээн дээр эмэгтэй хүн гарч болохгүй гэсэн хатуу ёс жаягийг зөрчсөн талаар Япон улс даяар шуугиж байна. Ухаан алдсан хотын захирагч эмнэлэгт хүргэгдэж биеийн байдал дээрдсэн байна.
