МАН-ын бүлэг өчигдөр ээлжит бусаар хуралдаж, УИХ-ын гишүүн Д.Гантулгын асуудлыг хэлэлсэн юм. Бүлгийн хуралдаанд Монгол Улсын Ерөнхий сайд, МАН-ын дарга У.Хүрэлсүх оролцож байгаа аж. УИХ-ын гишүүн Д.Гантулга гишүүний бүрэн эрхээсээ түдгэлзэх санал гаргасныг бүлэг хэлэлцсэн боловч уг асуудлыг хэлэлцэхэд хууль, эрх зүйн ойлгомжгүй байдал үүсээд байгаа гэжээ. Тодруулбал, Үндсэн хуулийн цэцээс УИХ-ын тухай хуулийн 6.9.1-ийг хүчингүй болгосон учраас хуулиар УИХ-ын гишүүн өөрийн хүсэлтээр бүрэн эрхээсээ түдгэлзэх эрхийг хамтад нь хүчингүй болгосон юм.