Зайсангийн аманд иргэд хууль бусаар, зөвшөөрөлгүй газар ухаж эхэлсэн талаарх мэдээлэлийг өмнө мэдээлж байсан билээ. Тодруулбал, иргэн О.Одсүрэн, Б.Дайчинхүү нарын хүмүүс удаа дарааллан газар ухаж эхэлж. Тухай бүрт нь Богд хан уулын Дархан цаазат газрын хамгаалалтын захиргаанаас удаа дарааллан газар ухах ажлаа зогсоох шаардлага хүргүүлсэн ч шаардлагыг хүлээж авахгүй өнөөдрийг хүртсэн байна.Тэгвэл тус газар хууль бусаар газар ухаж барьсан барилгыг албадан буулгаж эхэлсэн байна. Тухайлбал, БОАЖЯ, Богд хан уулын Дархан цаазат газрын хамгаалалтын захиргааны шийдвэрийн дагуу бурхантай хөшөөний ард баригдаж байгаа барилгуулдыг нураахаар болжээ. Тиймээс уг шийдвэрийн дагуу өчигдөр Зайсангийн аманд иргэн Б.Дайчинхүү эрх бүхий байгууллагын зөвшөөрөлгүйгээр газар ашигласан, тухайн газрын унаган төрх байдал алдагдахад хүрсэн нөхцөл байдал үүсгэсэн учраас түүнийг холбогдох хүмүүс очиж нурааж эхэлсэн байна. Тус компани нь Бурхан багшийн цэцэглэгт хүрээлэнгийн зүүн хойд талд барьсан 3 давхар төмөр карказ барьсан байсан юм. Мөн Туулын бургасыг унагаж, барилга барьж буй байгууллагатай тэмцэнэ гэдгээ холбогдох албаныхан онцоллоод байна.
Зайсанд баригдсан зөвшөөрөлгүй барилгуудыг нурааж эхэлжээ
2018-04-08 12:40:00