10:20 цагт Д.Сүхбаатарын нэрэмжит хоёрдугаар сургууль дээр Д.Сүхбаатар жанжны мэндэлсний 123 жилийн ой тохиож байгаатай холбогдуулан Нийслэлийн Сүхбаатар дүүргийн удирдлага болон жанжны нэрэмжит хоёрдугаар сургуулийн хамт олон түүний хөшөөнд хүндэтгэл үзүүлж цэцэг өргөнө.
11:00 цагт Монгол ньюс мэдээллийн төвд Гэр хорооллын дахин төлөвлөлтийн үйл ажиллагааны талаар нийслэлээс хэвлэлийн хурал зарлаж байна. Хурлаар дахин төлөвлөлтөд хамрагдсан иргэдийн эрх ашиг зөрчигдсөн гэх асуудлын талаар мэдээлэл өгнө.
11:00 цагт Жанжин Д.Сүхбаатарын мэндлэсний 123 жилийн ойг тохиолдуулан Д.Сүхбаатарын хөшөөнд цэцэг өргөж хүндэтгэл үзүүлнэ.
11:40 цагт Иргэний танхимд Монгол хэлний их тайлбар толийн гар утасны хувилбарыг танилцуулах хэвлэлийн бага хурал болно.
12:00 цагт УИХ-ын гишүүн, түүхийн ухааны доктор Ё.Отгонбаярын "Тусгаар тогтнолын товчоон" номын нээлт Тусгаар тогтнолын ордны 3 давхарт болно
12:00 цагт Зууны мэдээ сонины Үндэсний мэдээллийн төвд Шинжлэх ухааны академийн Түүх, археологийн хүрээлэнгээс Монголын нэрт Археологич, академич Д.Доржийн 80 жилийн ойд зориулсан "Монголын археологи-2015" хэвлэлийн бага хурал болно.Тус хурлаар 2015 онд 32 экспедици зохион байгуулсан бөгөөд археологийн үр дүн, өмнө нь дэлгэгдэж байгаагүй үнэт олдворуудын талаар мэдээлнэ.
12:00 цагт Хэвлэлийн Хүрээлэнд: 2016 оны төсөвт баталсан авто замын салбарын санхүүжилт нь хэрэглэгчдийн аюулгүй байдал, авто замчдын хөдөлмөр, нийгмийн хамгаалалыг эрсдэлд оруулсан шийдвэр болсон мөн өнгөрсөн онд хийсэн ажлын гүйцэтгэлийн санхүүжилтээ авто зам засвар арчлалтын компаниуд аваагүй байгаа тухай болон бусад асуудлаар Монголын авто замчдын ҮЭ холбооноос мэдээлэл хийнэ.
12:00 цагт Тэнгис кино театрын гадна талбайд "Цагаан сард зориулсан үзэсгэлэн худалдаа" болно. Үндэсний үйлдвэрлэгч компаниудын цагаан сарын хямдралтай бүтээгдэхүүнүүд, бэлгийн багцууд худалдаалагдах юм байна.
14:00 цагт Спортын төв ордны 4 давхарын хурлын өрөөнд Оюутны шатрын техникийн зөвөлгөөн болно. Монгол улсын оюутны аварга шалгаруулах 2016 оны хамгийн анхны тэмцээн шатрын төрлөөр энэ сарын 04-06 нд “Зууны шатар” клуб дээр явагдана.
