Та гэртээ хүүхдээ ганцааранг нь үлдээхдээ юу гэж захидаг вэ? “Танихгүй хүнд битгий хаалгаа тайлж өгөөрэй, цахилгаан хэрэгслүүдийг оролдож болохгүй, цонхны тавцан дээр гарч болохгүй” гэх мэтээр захиxдаа “Эдгээр үйлдлийг хийвэл ийм аюултай” гэдгийг хэлж өгдөг үү. Хэрэв үгүй бол хор уршгийг нь сайтар тайлбарлаж өгөөрэй, эцэг, эхчүүд ээ.
Өчигдөр /2018.04.12/ Сонгинохайрхан дүүрэгт гэртээ ганцаараа байсан хүүхдийг мэхлэн хулгай хийсэн хэрэг гарсныг Сонгинохайрхан дүүрэг дэх цагдаагийн гуравдугаар хэлтэст шалгаж байна. Тодруулбал, 9 настай хүү Г-г гэртээ ганцаараа байхад нь үл таних эрэгтэй хүн “Ахдаа ус хийгээд өгөөч” гэж хууран гэрт нь ороод алтан бөгж зэрэг эд зүйлийг нь хулгайлан гарч явжээ.
Иймээс эцэг, эх, асран хамгаалагчдад бага насны хүүхдээ хараа хяналтгүй орхих, гэртээ ганцааранг нь үлдээхгүй байх, үлдээсэн тохиолдолд аливаа гэ
мт хэргийн хохирогч болох эрсдэлтэй тайлбарлан ойлгуулж урьдчилан сэргийлэх арга замыг зааж өгч байхыг цагдаагийн байгууллагаас анхааруулж байна.
