Монгол бөхийн өргөөг цагдаагийн хамгаалалтад авч, үйл ажиллагааг нь түр хугацаагаар зогсоожээ. Өнгөрсөн долоо хоногт Бөхийн өргөөнд болсон нэгэн тоглолт үзэж байсан 66 настай хүн нас барсан хэрэг гарсан. Тус хэргээс үүдэж зөрчил шалган шийдвэрлэх тухай хуулийн 5.3-т заасныг үндэслэн барилга байгууламж, хүний амь бие, эрүүл мэндэд хохирол учирч болзошгүй байх тул прокурорын зөвшөөрлөөр Баянзүрх дүүргийн цагдаагийн II хэлтсээс үйл ажиллагааг нь түр зогсоосон байна.