Монголын Үндэсний бөхийн холбоог тойрсон асуудал намжиж МҮБХ "Их эв"- хурлаа хуралдуулж, шинэ тэргүүнээ сонгохоор болжээ. Энэ талаар тус холбооны тэргүүн гэгдэж байсан "Гацуурт" компаний захирал Л.Чинбат өөрийн цахим хуудастаа бичжээ. Тэрбээр "Монголын бөхчүүд эвлэрлээ. Аваргуудаас надад хүлээлгэсэн үүргийн дагуу талуудыг байлцуулан учир зүйгээ олж шинэ их эеийг хуралдуулж, МҮБХ шинэ тэргүүнээ сонгохоор боллоо. Миний бие дахин нэр дэвшихгүй. Тэвчээр хүлээцтэй хандсан бөхчүүддээ баярлалаа! Эвтэй байя, хүчтэй байя!" гэжээ.
