.jpg?1524545815932)
Ерөнхийлөгчийн Тамгын газрын дарга З.Энхболд мэдээлэл хийлээ. Тэрбээр АТГ-ын дарга болон дэд даргыг сонгох саналыг Ерөнхийлөгчийн зүгээс гаргаж буйг дуулгалаа. Ингэхдээ АТГ-ын даргыг сонгохдоо иргэдээс санал авна гэж мэдэгдэв.
Тэрбээр энэ талаар “ Авлигын эсрэг хуулийн 21.1-т зааснаар Монгол улсын Ерөнхийлөгчид АТГ-ын даргыг санал болгох эрх нь байгаа. Энэ хаврын чуулганаар АТГ-ын даргыг УИХ-д санал болгоно гэж Ерөнхийлөгч мэдэгдсэн. Ерөнхийлөгч өөрийнхөө эрхийг ард түмэнтэйгээ хамтарч хэрэгжүүлэхээр боллоо. Тодруубал, АТГ-ын дарга, дэд даргад нэр дэвшүүлэх хүнийг ард түмнээсээ асууна. Тиймээс Ерөнхийлөгчийн тамгын газрын сайтаар дамжуулан долоо хоногийн хугацаанд иргэдийн саналыг авах гэж байна. Цахим санал асуулга овог нэр, хаягаа тодорхой бичих ёстой. АТГ-д нэр дэвшүүлэх хүн нь 21.1-т заасны дагуу төрийн албанд 15 доошгүй ажил ажилласан 45 нас хүртэлх эрх зүйч мэргэжилтэй, гүйцэтгэх болон мөрдөн байцаах ажлын мэдлэг туршлагатай сүүлийн 5 жил улс төрийн албан тушаал эрхэлж байгаагүй гэдэг шалгуурыг хангасан байх шаардлагатай. Шаардлага хангасан хүнийг л нэр дэвшүүлэх ёстой. Хамгийн олон нэр нь давтагдсан хүнээс гурвыг нь сонгож нэгийг нь сонгоод УИХ руу оруулна. Одоогийн даргын бүрэн эрхийн хугацаа нь хуулийн дагуу дууссан байгаа. Хүний оронд томилогдсон учраас хугацаа нь дууссан гэж үзэж байна. Иргэдийн сонгосон хүнийг УИХ зөвшөөрөөд томилчихвол ирэх долоо хоногийн сүүлээр АТГ шинэ удирдлагатай болох боломжтой” гэлээ.
