Өөрийнх нь талаар сурвалжлага бэлтгэсэн нэгэн телевизийн сэтгүүлчдийг болон тэдний ар гэрийнхнийг Хууль зүй, дотоод хэргийн сайд Ц.Нямдорж тагнуулж, чагнуулсан гэх мэдээлэл олон нийтийн сүлжээнд цацагдах болов. Уг мэдээлэлд сайд болмогцоо ЦЕГ болон ЭЦА-ны удирдлагад үүрэг өгч нэр бүхий есөн сэтгүүлч тэдний ар гэрийн 30 хүний мэдээллийг хууль бусаар олж аван тагнасан түүгээр ч зогсохгүй нэгнийх нь автомашин руу буудаж айлган сүрдүүлсэн тухай бичжээ.
ЭЦА-наас тагнуулын байгууллагад өгдөг гүйцэтгэх ажлын тухай мэдээ, тайланд сэтгүүлчдийн тухай мэдээлэл байсан байна. Үүнийг тагнуулынхан шалгасан байна. Тэр бүү хэл тагнуулын ажилтнуудыг ЭЦА-ны байранд очиж холбогдох хүмүүсээс тайлбар, мэдүүлэг авсан аж. Гэтэл тухай өдөр жижүүрт гарсан залууг “гадны хүмүүсийг байранд нэвтрүүллээ” гэсэн шалтгаанаар ажлаас нь чөлөөлсөн байна.
Ямартай ч тагнаж, чангах асуудлыг байнгын шүүмжилдэг Хууль зүйн сайд Ц.Нямдорж энэ удаад сэтгүүлчийг чагнасан гэдэг нь үнэн бол үнэхээр ноцтой юм. Түүнийг УИХ дахь АН-ын бүлгийнхэн огцруулах саналыг гаргаад байгаа билээ.