Нийтийн тээврийн 3 чиглэлд түр хугацаанд өөрчлөлт орууллаа

Зам засварын ажилтай холбогдуулан Монелийн нийтийн тээврийн 3 чиглэлийн замналд түр хугацаанд өөрчлөлт орууллаа.

Нийслэлийн бүтээн байгуулалтын ажлын хүрээнд Нийслэлийн Авто замын хөгжлийн газрын захиалгаар Баянзүрх дүүргийн нутаг дэвсгэрт “Гадна тойруугийн 4 дүгээр хэсгийн Дарь-Эхийн авто замаас Ганц худаг, Цагаан даваа чиглэлийн 3 км авто замын ажил” 2018 оны 04 дүгээр сарын 30-ны өдрөөс 05 дугаар сарын 07-ны өдрийн хооронд хийгдэж байгаатай холбогдуулан тус авто замаар дайран өнгөрдөг нийтийн тээврийн үйлчилгээний 3 чиглэлийн замналд түр хугацаанд өөрчлөлт орно. Үүнд:

1. Ч:19А “Монелийн 43 – Офицеруудын ордон – Сансар”
2. Ч:19Б “Монелийн 43 – Сансар – Офицеруудын ордон”
3. Ч:35 “Монелийн 43 – Хүнсний 4-р дэлгүүр – МУИС – 11-р хороолол”

Иймд иргэд та бүхэн зураглалын дагуу зорчилтоо төлөвлөж нийтийн тээврийн үйлчилгээг авна уу. 

Үйлчилгээтэй холбоотой санал, хүсэлтээ 70044040 дугаарын утсаар 24 цагийн турш хүлээн авч шуурхай шийдвэрлэнэ.