Та улсад хэчнээн төгрөгийн татвар төлснөө ингэж хараарай

Жил бүрийн тавдугаар сарын эхээр татвар төлөгчдийн өдрүүдийг тэмдэглэдэг.Манай улсын 1.6 сая иргэн татвар төлөгчөөр бүртгүүлснээс 1.4 сая нь татвараа төлжээ. Мөн 58 мянган хуулийн этгээд буюу ААН олон төрлийн татвар төлж, улсын төсвийн орлогын 80 орчим хувийг бүрдүүлдэг. Өнгөрсөн онд ТЕГ улсын төсөвт 3.8 их наяд төгрөгийн орлого бүрдүүлсэн бол энэ оны эхний дөрвөн сарын байдлаар 1.5 их наяд төгрөгийн татварын орлого төвлөрүүлжээ.

ТЕГ-аас энэ онд анх удаа татвар төлөгчдөд зориулан, цахим шинэ үйлчилгээ нэвтрүүлжээ. Та ebarimt.mn цахим хуудаснаас 2017 онд нийт хэчнээн төгрөгийн татвар төлснөө харах боломжтой юм.