Цагаан сарын эхний өдөр ахмад настнаа хүндэтгэн дээдлэхэд зориулагдсан өдөр. Энэ өдөр залуус өвөө, эмээ, эцэг эх, ахмад хүмүүст очиж урт насалж удаан жаргахын бэлгэдэл болгож аягатай сүү, алд цэнхэр хадаг барин золгож, эрүүл энх аз жаргал ерөөдөг.
Цагаан сарын хоёр дахь өдрийг эмэгтэйчүүдийн өдөр гэх буюу энэ өдөр гэрийн эзэгтэй гэрээс гардаггүй. Тэдэн дээр хүүхэд багачууд ирж золгодог. Дараах өдөр нь залуус хоорондоо золгож ойр дотныхон төрөл садан, танил талындаа очиж золгодог аж.
