“Талх чихэр” компанийн үйлдвэрлэдэг “Нахиа” боовноос хоёр хүүхэд хордлого авч эмнэлэгт хүргэгдлээ гэх мэдээлэл, пост олон нийтийн цахим сүлжээнд гарч эхэлсэн юм. Тодруулбал,
Отгонбаатар Жадамбаа гэх хаягнаас “Энэ Талх Чихэрийн Нахиа боовноос чинь болж 2 хүүхэд минь хордлогонд ороод үхэнгээ алдалаа!. Ингэж хоол биш хор хийхээ болиоч. Эх нялхасын хоол боловсруулах тасгын Даша эмчид Баярлалаа. НААД хороо буцаан татан авалт хий!! Ахиж авахгүй!” гэсэн постыг оруулсан байна.
Тэгвэл "Талх чихэр" компаний зүгээс "Худалдаанд гарсан Нахиа боорцогноос дээж авч шинжилгээнд явуулсан. Хариу нь гартал ямар нэгэн мэдээллэл өгөхгүй" гэх мэдээллийг эх сурвалж өгсөн юм.
Ямартай ч "Нахиа" боорцогноос хордлого авсан гэх 2 хүүхэд эмнэлгийн тусламж авсан байна. Гэхдээ "нахиа" боорцогноос болсон уу гэдэг нь шинжилгээгээр гарах аж.
