“Иргэдийн шударга шүүх” ТББ-ын тэргүүн, хуульч Х.Бат-Ялалт хэвлэлийн хурал хийж Хууль зүйн сайд Ц.Нямдоржийг хууль бусаар хөрөнгөжсөн хэмээн мэдэгдээд хуулийн байгууллагаар шалгуулахаа мэдэгдсэн байдаг. Тэрбээр "Тодруулбал, УИХ-ын гишүүн, Засгийн газрын гишүүн, гавьяат хуульч, Хууль зүй, дотоод хэргийн сайдын албыг тав дахь удаагаа хашиж буй Ц.Нямдоржийн эхнэр, хүүхдүүдийнх нь нэр дээр 17 үл хөдлөх хөрөнгө бүртгэлтэй байдаг, 14 орон сууцны эх үүсвэрийг шалгаж өгөхийг АТГ-аас хүссэн байна. Түүний хүсэлтийн дагуу АТГ-ын Мөрдөн шалгах хэлтсээс Ц.Нямдоржийг шалгаж байгаа талаар албан бичгээр хариу хүргүүлжээ. Уг бичигт "Хууль зүй, дотоод хэргийн сайд Ц.Нямдорж Хан-Уул дүүргийн нутаг дахь Bella vista хотхонд түрээсийн орон сууцанд амьдарч байгаа нь гэмт хэргийн шинжтэй эсэхийг шалгаж байгаа" гэсэн билээ.
УИХ дахь АН-ын бүлэг ч мөн түүнийг өндөр үнэтэй орон сууцанд түрээс төлөхгүй олон ажил амьдарсан шалтгаанаа шалгуулах ёстой хэмээг үзэж огцруулах шаардлагыг тавьсан.
Тэгвэл хуулийн байгууллагаас Хууль зүйн сайд Ц.Нямдоржийн түрээсийн байр болон гэр бүлийнх нь нэр дээр бүртгэлтэй үл хөдлөх хөрөнгүүдийг нь шалгаж эхэлжээ. Үүнтэй холбогдуулан шударгаар шалгаж, шударга үнэн мэдээлэл өгөхийг дээрх ТББ-ын гишүүд хүсч байгаа аж.
