Энэ оны эхний хагаст БНСУ-д хууль бусаар оршин сууж байсан 8,351 гадаад иргэдийг болон хууль бусаар ажил олгосон 1,369 Солонгос иргэдийг илрүүлсэн байна. Тус улсын Хууль Зүйн Яамнаас өнгөрсөн 2-р сарын 26-наас 5-р сарын 11-ийг хүртэл 11 долоо хоногийн турш 2018 оны эхний хагас жилийн баривчилгааг Засгийн газартай хамтран явуулжээ.
Хууль бусаар ажилласан гадаад иргэдийг албадан баривчилсан бол тэдгээрт ажил олгон, хууль зөрчсөн Солонгос иргэдэд 3-аас жилээс доош хорих ял эсвэл 20 сая хүртэлх вонын торгууль ногдуулах юм байна.
Хууль Зүйн Яамнаас, сүүлийн хагас жилийн хамтарсан баривчилгааг цаашид үргэлжлүүлэх болно гэж мэдэгджээ. 4-бүс нутгийн баривчлах багийг, 6-бүс нутаг болгон өргөжүүлэх бөгөөд баривчилгааг улам эрчимжүүлэн, чангалах болно гэсэн байна. Хууль бусаар оршин сууж буй гадаад иргэдийг багасгах үүднээс бусад төрийн байгууллагуудтай хамтран ажиллаж байгаа ажээ.
Мөн тагнуулын алба, Гадаад Харилцааны Яам, Төрийн Захиргаа, Аюулгүй байдлын Яам, Хөдөлмөрийн яам, Зам Тээврийн Яам, Аж Үйлдвэр-Гадаад Худалдааны Яам, Цагдаагийн Ерөнхий Газар, Далай Тэнгисийн Цагдаагийн Ерөнхий Газар болон бусад аж ахуйн нэгжүүдтэй хамтарсан "Хууль бусаар оршин суугч гадаад иргэдийг зохицуулах ажлын хэсгийн хуралдаан" байгуулан баривчилгааг явуулж байгаа юм байна.
.jpg?1751336683043)
.jpg?1751336552317)
.jpg?1751336683043)
.jpg?1751336552317)
