Олон улсын хүүхдийн эрхийг хамгаалах өдөр маргааш тохионо. Энэ өдөр бүх нийтээр амрах тул автомашины дугаарын хязгаарлалт үйлчлэхгүй. Нийтээр тэмдэглэх баярын болон тэмдэглэлт өдрүүдийн тухай хуульд Олон улсын хүүхдийн эрхийг хамгаалах баярын өдрөөр буюу зургаадугаар сарын 1-нд бүх нийтээр амрах өдөр хэмээн заасан байдаг. Түүнчлэн Сүхбаатарын талбайн баруун болон зүүн хэсгийн авто замын хөдөлгөөнийг тухайн өдрийн 09.00-17.00 цагийн хооронд түр хугацаагаар хязгаарлана. Иймд жолоочид бяцхан зорчигчдынхоо төлөө хөдөлгөөнд сахилга, соёлтой оролцохыг Замын цагдаагийн албанаас зөвлөжээ.
