Яг одоо Халдашгүй байдлын дэд хороо хуралдаж ёс зүйн зөрчил гаргасан гэх УИХ-ын гишүүн Д.Гантулга, Д.Мурат нарын асуудлыг хэлэлцэж байна. Үүний дараа Төрийн байгуулалт, Хууль зүйн байнгын хороод мөн хуралдаж уг асуудлыг хэлэлцэх юм. Эдгээр хуралдаанаас үүдэн өнөөдрийн үдээс өмнөх чуулганы хуралдаан завсарлаад байгаа юм. Прокуророос УИХ-ын гишүүн Д.Гантулга, Д.Мурат нарыг эргүүлэн татах хүсэлтээ УИХ-д илгээсэн. УИХ энэ асуудлыг өнөөдрийн 17.00 цагаас өмнө шийдвэрлэж хариугаа өгөх ёстой. Тиймээс намын бүлгүүд болон Халдашгүй байдлын Байнгын хороо, Төрийн байгуулалтын байнгын хороо хуралдаж буй нь энэ юм.
