Одоогоос жил гаруйн өмнө буюу 2017 оны нэгдүгээр сард ХУД-ийн II хорооны нутаг дэвсгэр, Нүхтийн амны айлуудын гэр лүү хулгайч нэвтэрч, алтан бурхан, үнэт эдлэл зэргийг нь авч одсон билээ. Дээрх этгээдүүдийн нэвтэрсэн зургаан айл дотор "Гацуурт"-ын Л.Чинбат, УИХ-ын гишүүн асан Л.Гүндалай нарынх ч бас орсон юм. Энэхүү хэргийг БНСУ-ын иргэн Пак гэгч этгээд Монголын иргэнтэй хамсаж үйлдсэн байдаг. Тэгвэл тэдэнд холбогдох шүүх хурал өчигдөр болж, Солонгосын иргэнд 7 жил, Монголын иргэнд 5 жилийн хорих ял оноожээ.