“Жаст” группийн захирал Ш.Батхүү “Эрдэнэт” үйлдвэрийг барьцаалж Өмнөд Африкийн “Стандарт” банкнаас их хэмжээний долларын зээл авсан асуудал 2013 онд дуулиан тарьж байлаа. Тэгвэл энэ хэрэгт холбогдуулан “Жаст”-ын Ш.Батхүү өдгөө цагдан хорих ангид хоригдож байгаа билээ. Гурван сар хоригдсон түүний хоригдох хугацаа өчигдөр дууссан ч шүүх дахин 15 хоногоор сунгах шийдвэр гаргаж сунгасан байна. Шүүх хурлын дараа түүний бие эрс муудаж, эрчимт эмчилгээ хийлгэсэн гэдгийг эх сурвалж мэдээллээ. Түүний сахарын өвчин хүндэрч энгийн хүнийхээс гурав дахин өндөр түвшинд гарсан. Тиймээс сахарыг нь бууруулахын тулд цагдан хорих ангийн эмнэлгийн зүгэээс инсулин тариаг маш өндөр тунгаар хийж байгаа гэнэ. Мөн түүний бөөр, тархины мэдрэлийн судсанд ноцтой өөрчлөлт орсон талаар өмгөөлөгч нь ярьжээ.
