Өнгөрсөн дөрөвдүгээр сард Эрүүл мэндийн салбарын ажилтнууд төв талбайд цалингаа нэмэгдүүлэхийн тулд есөн өдөр суулт хийсэн ч хэлэлцээр хийсний эцэст суултаа түр зогсоосон юм. Гэхдээ нэг мөр шийдэлд хүрээгүй тэд хэзээ ч ажил хаяж, суулт зарлахад бэлэн шүү гэсэн дохиог өгч байсан удаатай.
Тэгвэл суулт хийж байсан эмнэлгийн ажилтнууд, эрүүл мэндийн ажилтны ҮЭ-ийнхэн дахин ажил хаялт зарлахаа өнгөрсөн долоо хоногт мэдэгдэж, холбогдох удирдлагуудад шаардлага хүргүүлсэн байгаа юм.
Энэ талаар Монголын эрүүл мэндийн ажилтны үйлдвэрчний эвлэлийн холбооны дарга Б.Мягмар “Бидний тавьсан шаардлагыг хүлээж аваагүй. Тиймээс бид улс орон даяар долдугаар сарын 5-ны 08.30 цагаас эхлэн ажил хаялт зарлана. Ажил хаях үеэр амь тэмцсэн үеийн яаралтай тусламж, үйлчилгээг үзүүлнэ. Бусад үйлчилгээг үзүүлэхгүй.
Ажил хаялтад одоогоор орон нутгийн болон нийслэлийн 100 гаруй эрүүл мэндийн байгууллагууд нэгдээд байна. Бидний ажил хаялт хугацаагүй. Шаардлагыг хүлээн автал ажил хаялтаа үргэлжлүүлнэ” гэжээ.
.jpg?1751336683043)
.jpg?1751336552317)
