Нийслэлийн онцгой байдлын газраас ойрын өдрүүдэд ихэнх нутгаар бороошиж, борооны өмнө зарим газраар салхи түр зуур ширүүсэх тул ард иргэдэд үер усны аюулаас урьдчилан сэргийлэхийг анхаарууллаа.
Тус газар Нийслэлийн Цагдаагийн газартай хамтран Нийслэлийн Аврах анги-105-ын 2 бүлэг өдөр бүр завьт эргүүлээр, нэмэлтээр Налайх, Баянзүрх, Хан-Уул дүүргийн Онцгой байдлын хэлтсийн 4 бүлэг хөдөлгөөнт эргүүл хийж, ард иргэдэд усны ослоос урьдчилан сэргийлэх ажиллагааг зохион байгуулж эхэлсэн байна.
