Энэ сарын 22-ны өдөр Тэрэлж орчмын усанд сельфи хийх гэж байгаад живж амиа алдсан харамсалтай хэрэг гарчээ. Тодруулбал, эдүгээ 42 настай, багш М сурагчидтайгаа хамт Тэрэлж орчимд зугаалж яваад, 18:00 цагийн орчимд усан дотор хоёр шавьтайгаа сельфидсэн байна. Энэ үеэр усны түвшин нэмэгдэн, голын урсгал хүчтэй болж, гурвуулаа хөл алдан усанд урсчээ.
Хоёр шавь нь модноос зүүгдэж амь аврагдсан байна. Оройн 22:00 цагийн орчимд багшийнх нь цогцсыг голоос гаргаж, ар гэрийнхэнд нь хүлээлгэн өгчээ.