Өнөөдөр өглөө эксельтэй иргэд Цэцийн дарга, гишүүдийг огцрохыг шаардаж, жагслаа. Үндсэн хуулийн Цэцийн дарга Ж.Амарсанаа сар шинийн өмнө хийсэн мэдээлэлдээ “Би Монгол Улсын дөрөвдүгээр хүн. Дөрөвдүгээр хүн эксель унах юм уу. Туулах чадвар сайтай машин унах ёстой” гэж хэлсэн нь иргэдийг бухимдахад хүргэсэн байна. Тэд “Иргэдийг талцуулж, ялгаварлан гадуурхахаа боль” гэсэн лоозон барьж зогссон байна. Үндсэн хуулийн Цэцийн хамгаалалтынхан, цагдаа нар жагсагчдыг хүчээр тараасан учир шаардах бичгээ Цэций даргад өгч чадаагүй байна.
