8o
Улаанбаатар хот
mobile menu

Хохирлын хэмжээг тогтоож хор уршгийг арилгах ажлыг эрчимжүүллээ

2018-08-07 16:05:00

Ойрын өдрүүдэд Өмнөговь аймгийн Баяндалай, Хүрмэн, Сэврэй, Даланзадгад сумдад олон жилийн дунджаас 2-3 дахин их хур тунадас орсон. Усархаг бороо, үерийн улмаас Баяндалай-Даланзадгад чиглэлийн хатуу хучилттай авто замын зарим хэсэг эвдэрсэн, нийт 7 метр өндөртэй аймгийн үерийн нэмэлт далан сэтэрсэн болон малчид иргэд, зарим айл өрхүүд усанд автсан гарз хохирол үүссэн. Аймгийн онцгой комисс, Онцгой байдлын газар цаг тухайд нь шуурхай арга хэмжээг авч байна.

2018.08.06-ны өдрийн аймгийн Онцгой комиссын хурлаар үер усны аюулаас үүдсэн хохирлын хэмжээг тодорхойлж, хор уршгийг арилгах арга хэмжээг эрчимжүүлж, цаашид авч хэрэгжүүлэх арга хэмжээг хэлэлцлээ. Эхний ээлжинд үерийн даланг нэмж байгуулах, үер усны аюулаас үүдсэн хохиролын үнэлгээг яаралтай гаргах, баруун сумд руу чиглэсэн авто зам, аймгийн төв доторх замыг цэвэрлэхээр холбогдох байгууллагын удирдлагад үүрэг даалгавар өглөө.

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.chuhal.mn хариуцлага хүлээхгүй.
Нийт сэтгэгдэл
  • Recent
  • Most Read
  • Most Comment