Улсын хэмжээнд 2018 оны 8 дугаар сарын 10-ны өдрийн байдлаар ЗӨСҮТ-д зоонозын халдварын хүний өвчний сэжигтэй байж болзошгүй нийт 1133 яаралтай дуудлагыг хүлээн авсан байна. Эдгээрийн 102(9.0%) галзуугийн эрсдэлд өртсөн, 1008(88.9%) хачигт халдвар, 11(1.0%) бэтэг, 1(0.1%) хумхаа, 7(0.6%) боом, 4(0.4%) тарваган тахлын хүний өвчлөлийн сэжигтэй тохиолдол эзэлж байна.
Хачгаар дамжих халдварт өвчний сэжигтэй тохиолдол: Архангай, Баянхонгор, Баян-Өлгий, Булган, Говь-Алтай, Говьсүмбэр, Хөвсгөл, Ховд, Хэнтий, Дорнод, Дорноговь, Дундговь, Дархан-Уул, Өвөрхангай, Өмнөговь, Орхон, Завхан, Сэлэнгэ, Сүхбаатар, Увс, Төв аймгийн 106 сум, нийслэлийн 7 дүүрэгт хачгаар дамжих халдварын 1008 сэжигтэй тохиолдол мэдээлэгдсэн нь өмнөх оны мөн үеэс 18%иар бага байна. Эпидемиологийн 31-р долоо хоногтой харьцуулахад 12 сэжигтэй тохиолдлоор их байна.
8 дугаар сарын 10-ны өдрийн байдлаар хачигт риккетсиозын 747 сэжигтэй тохиолдлын 181(24.2%), хачигт энцефалитын 174 сэжигтэй тохиолдлын 32(18.4%), хачигт боррелиозын 87 сэжигтэй тохиолдлын 23(26.4%) тархвар судлал, эмнэлзүй, лабораторийн шинжилгээгээр тус тус онош батлагдаж, 113 тохиолдлын онош үгүйсгэгдээд байна.
Галзуу өвчний эрсдэлд өртсөн тохиолдол: Архангай, Баян-Өлгий, Ховд, Хөвсгөл, Хэнтий, Өвөрхангай, Өмнөговь, Говь-Алтай, Дундговь, Дорноговь, Завхан, Сэлэнгэ аймгийн 29 сум, нийслэлийн 4 дүүргээс галзуу өвчний эрсдэлд өртсөн нийт 102 тохиолдол мэдээлэгдсэн нь өмнөх оны мөн үеэс 11 хувиар бага байна. Эпидемиологийн 31-р долоо долоо хоногтой харьцуулахад 2 эрсдэлд өртсөн тохиолдлоор их байна.
Тарваган тахлын хүний өвчлөлийн сэжигтэй тохиолдол: Нийслэлийн Хан-Уул дүүрэг, Ховд аймгийн Булган суманд тарваган тахлын хүний өвчлөлийн сэжигтэй тохиолдол тус тус бүртгэгдэж, тархвар судлал, эмнэлзүйн шинж тэмдэг, лабораторийн шинжилгээгээр онош үгүйсгэгдсэн байна.
Боомын хүний өвчлөлийн сэжигтэй тохиолдол: Завхан аймгийн ЗӨСТ-өөс ирүүлсэн мэдээгээр боомын арьсны хэлбэрийн хүний өвчлөлийн сэжигтэй 1 тохиолдол мэдээлэгдсэн. Тархвар судлал, эмнэлзүйн шинж тэмдэг, лабораторийн шинжилгээгээр онош үгүйсгэгдсэн байна.
Мэрэгч амьтны сэжигтэй дуудлага: 8 дугаар сарын 10-ны өдрийн байдлаар нийслэлийн СБД, БГД-ээс ирүүлсэн амьтны 3 удаагийн дуудлаганд үйлчилж, хураагдсан сорьц материалыг ЗӨСҮТ-ийн лабораторит шинжилгээ хийгдэж байна. Он гарсаар нийслэлийн 6 дүүрэгт (БЗД, БГД, ХУД, СБД, СХД, ЧД)-ийн хэмжээнд нийт 40 удаагийн амьтны дуудлаганд үйлчилж, хариу арга хэмжээг хэрэгжүүлэн ажилласан.
Галзуу өвчний эрсдэлд өртсөн тохиолдол: Цахим тандалтын мэдээ:
“Дархан-Уул аймагт 2 нохойд хүүхэд уруулжээ” мэдээ цахим сайтад нийтлэгдсэн. ЗӨСҮТ Дархан-Уул аймгийн Нэгдсэн эмнэлгийн Гэмтлийн тасгийн ахлах сувилагч н.Мөнхсувдаас 8 дугаар сарын 09-ний 14:00 цагт авсан мэдээгээр:
Өвчтөн “Ө” 4 настай, эрэгтэй. Дархан-Уул аймгийн Дархан сумын харьяат. 8 дугаар сарын 07-ны 18:40 цагт Дархан-Уул аймгийн 7-р багийн Майхантын 7-8-р гудамжинд баруун хөл, гуя, өгзгөндөө нохойд (эзэнтэй) уруулсан. 8 дугаар сарын 07-ны 20:55 цагт Дархан-Уул аймгийн Нэгдсэн эмнэлэгт үзүүлж, шархны цэгцлэлт хийлгэж Гэмтлийн тасагт хэвтсэн. 8 дугаар сарын 07-нд галзуугийн эсрэг вакцины эхний тунд хамрагдсан. Вакцины хоёр дахь тунд 8 дугаар сарын 10-нд хамрагдана.
Шүлхий өвчин: Өвөрхангай аймгийн Баянгол сумын Цагаанбулан багийн “Эрээн тээг” гэдэг газар 8 дугаар сарын 02-ны өдөр малчин айлын 2 өрхийн 35 хонинд шүлхий өвчний шинж тэмдэг илэрч, 8 дугаар сарын 03-ны өдөр дээж авч шинжлүүлэхэд, 04-ны өдрийн УМЭАЦТЛ-ийн шинжилгээний дүнгээр шүлхий өвчин болох нь тогтоогдсон. Тус суманд 8 дугаар сарын 04-нд хорио цээрийн дэглэм тогтоож, голомтод бүсэд байгаа 1531 толгой малыг вакцинжуулж, 35 малыг тусгаарласан байна. Өвөрхангай аймгийн ЗӨСТ мэргэжил аргазүйн зөвлөгөө өгч ажиллаж байна.
Тарваган тахлын хамтарсан тандалт судалгаа: 7 дугаар сарын 01-нээс, 8 дугаар сарын 01-ний хүртлэх хугацаанд Монгол-ОХУ-ын хамтарсан судалгааны баг Баян-Өлгий аймгийн Улаанхус, Цагааннуур, Ногооннуур сумдын нутагт тарваган тахал өвчний байгалийн голомтын тандалт судалгааг амжилттай хийсэн. Судалгааны дүнгээр дээрхи сумдын нутаг дах тарваган тахлын байгалийн голомт идэвхитэй байгааг тогтоосон байна.
