“Facebook” нийгмийн сүлжээ 3D принтерээр бүтээх боломжтой галт зэвсгийн бүдүүвч зургийг хуудастаа оруулахыг хориглосон тухай телевизийн “CNN” суваг мэдээллэсэн байна. Өмнө нь Вашингтон муж улсын шүүх Америкийн “Defense Distributed” компанийг 3D-принтерээр хэвлэх боломжтой галт зэвсгийн бүдүүвч зургийг интернетэд оруулахыг хориглосон юм. Гэсэн хэдий ч тиймэрхүү бүдүүвч зургийг хэд хэдэн цахим хуудаснаас олох боломжтой юм.
“Фэйсбүүк” хуудаст байршуулсан зураг хийгээд иймэрхүү зураг байршуулсан цахим хуудасны холбоосуудыг устгах тухайгаа тус нийгмийн сүлжээ өнгөрсөн пүрэв гарагт зарлажээ.