УИХ-н гишүүн асан З.Баянсэлэнгийг эрх мэдэл, албан тушаалаа урвуулан ашиглаж, улсад их хэмжээний хохирол учруулсан гэх хэргийг шүүх хурал хойшилжээ. Шүүх хурал өнгөрсөн 7 хоногт болох товтой байсан юм.
Түүнд холбогдох хэргийг мөрдөн шалгах явцад өмнөх Засгийн газрын үед Барилга, хот байгуулалтын сайдаар ажиллаж байх хугацаандаа “Бэрэн групп” ХХК-ийн барьсан “Хангай” хотхоны орон сууцнаас 123 айлын орон сууцыг тендер зарлалгүй худалдан авч, улсын төсөвт 972.4 сая төгрөгийн хохирол учруулсныг тогтоосон юм. Улмаар АТГ-аас Эрүүгийн хуулийн 263 дугаар зүйлийн 263.2-т зааснаар хэрэг үүсгэж прокурорт шилжүүлсэн билээ.
З.Баянсэлэнгэд холбогдох хэргийн шүүх хурал хойшилжээ
2018-08-12 13:00:00