Энэ сарын 8-ны өдөр Хурд группын барилга дээр осол гарч нэг хүн амиа алдсан харамсалтай хэрэг гарсан билээ. Эл хэргийн талаар Хурд группын гүйцэтгэгт компаниудын төлөөлөл өнөөдөр мэдээлэл хийсэн юм.

Төлөөлөгчид мэдээллийн эхэнд 8-ны өдөр гарсан ослын улмаас амиа алдсан 17 настай хүүгийн ар гэрийхэнд гүн эмгэнэл илэрхийлж, уучлалт гуйсан юм. Мөн энэхүү барилгын осол нь Захиалагч Хурд групп болон Сангийн сайд, УИХ-ын гишүүн Б.Чойжилсүрэн нарт ямар ч хамааралгүй. Осол гарснаас хойш энэ ослын талаарх хэргийг талаар олон нийтийн цахим сүлжээнд буруу ташаа мэдээлэл цацагдаж байгаа учраас ийнхүү мэдээлэл хийж байна. Өнгөрөгч 2017 онд барилгын 18 осол гарч 11 хүн амиа насаа алдсан байна. 

Осол гардаг өдөр  “Хурд групп” ХХК-ийн  аж ахуйн хашаанд бараа тээвэрлэх, зөөвөрлөх, агуулахад буулгах ажлыг гүйцэтгэдэг “Түмэндэлгэр далай” ХХК-ийн чингэлэг зөөж байсан кран унаж, 17 настай хүү амиа алдсан байна. 

н.Батхишиг: Хүү анх манай компани ажилд орохдоо таньдаг хүнээрээ дамжуулж орж ирсэн

Тус компанийн захирал н.Батхишигээс дараах асуултад хариулт авсан юм

-Талийгаач хүү тухайн осол болдог өдөр хүний ажил хийж байсан гэх мэдээлэл гарах болсон. Энэ талаар дэлгэрэнгүй мэдээлэл өгнө үү?

-Талийгаач хүү өөр хүний ажил хийж яваад амь насаа алдаагүй. Осол гардаг өдөр өөрийн хариуцсан ажил болох  аж ахуйн хашааны бараа, материалыг эмхэлж, цэгцлэх ажлаа гүйцэтгэж байсан.

-Барилга дээр насанд хүрээгүй хүүхэд ажлуулах тухай хуулийн дүрэм, журам үаалт бий юу. Талийгаачийг 17 настай байсныг мэдэж байсан уу. Талийгаачтай танай компани хөдөлмөрийн гэрээ байгуулсан уу?

-Хүү анх манай компани ажилд орохдоо таньдаг хүнээрээ дамжуулан ажилд орсон.  Тийм учраас  учраас 17 настай гэдгийг нь мэдээгүй. Манай компанийн хүний нөөцийнхөн анзаараагүй юм билээ.

-Хүүгийн  ард гэрийнхэнд нөхөн төлбөр өгсөн үү. Энэ талаар мэдээлэл өгнө үү? 

-Тэрийг нь сайн мэдэхгүй байна.  Илүү дэлгэрэнгүй мэдээлэл өгөх боломжгүй байна. 

-Мэдээлэл хийж байгаа хүмүүс гарсан осолтой холбоотой асуудалд хариуцдлага хүлээнэ гэж байна. Тэгэхээр барилгын үйл ажиллагааг зогсооно гэсэн үг үү. Яг ямар зорилготой өнөөдрийн хурлыг хийж байгаа юм бэ? 

-Гарсан осол нь Хурд групп болон Сангийн сайд, УИ х-ын гишүүн Б.Чойжилсүрэнд хамааралгүй. Гүйцэтгэгч байгууллагад хамаарах асуудал. Тиймээс хүүгийн гэр бүлээс болон Б.Чойжилсүрэн нараас уучлалт гуйж байна. 

Мэдээллийг бүрэн эхээр нь хүлээн авч үзнэ үү