Вьетнам улсын 4 иргэн бүлэглэн, монгол залуусыг зодсон хэрэг гарсан байна. Тодруулбал Өмнөд Солонгос улсад ажилладаг Вьетнам улсын дөрвөн иргэн өчигдөр буюу 12-ны өдөр үйлдвэрийнхээ ойролцоох хүнсний дэлгүүрээр үйлчлүүлж байхдаа гурван монгол залуустай маргалдаж, улмаар тэднийг дэлгүүрийн гадаа бүлэглэн зодож, биед нь гэмтэл учруулаад зугтаасан байна. Цагдаагийн газраас нэг Вьетнам иргэнийг саатуулж, хэргийн газраас зугтаасан гурван иргэнийг эрэн сурвалжилж эхэлжээ.
Одоогоор хэргийг Өмнөд Солонгосын цагдаагийн газраас шалгаж байгаа юм байна.