МАН-ын Удирдах зөвлөл өчигдөр хуралдаж Зам, тээврийн хөгжлийн дэд сайдын томилгоог хэлэлцсэн шийдвээрээ танилцуулсан юм. Тус яамны дэд сайдад Б.Амарсанаа, Ховд аймгийн Засаг дарга асан Д.Галсандондог, УБТЗ-ын замын орлогч дарга Л.Халтар нарыг дэвшүүлэх асуудал яригдсан байна.

МАН-ын Удирдах зөвлөлөөс олонхийн саналын дагуу салбартаа олон жил ажилласан Л.Халтарыг Зам, тээврийн хөгжлийн дэд сайдаар томилох шийдэлд хүрсэн гэдгээ МАН-ын Ерөнхий нарийн бичгийн дарга Д.Амарбаясгалан мэдээллийнхээ үеэр танилцуулсан билээ. 

Зам, тээврийн хөгжлийн дэд сайдаар очих Л.ХАЛТАР гэж хэн бэ?

• 1965 онд Ховд аймгийн Дарви суманд төрсөн.
• Ам бүл 5, дээд боловсролтой. Нийслэлийн 28 дугаар дунд сургуулийг 1983 онд төгссөн. 
• ОХУ-ын СанктПетербургийн Зам харилцааны их сургуулийг Төмөр камын ашиглалтын инженер төгссөн. 
• Эрхүү хотод Зам харилцааны чиглэлээр Доктор зэрэг хамгаалжээ. УБТЗ-ын Удирдах газраас ажлын гараагаа эхлүүлсэн.
• Удирдлагын хөгжлийн институтыг удирдлагын менежерээр 1993 онд төгссөн. 
• УБТЗ-д Тээвэрлэлт, хөдөлгөөн хариуцсан даргаар ажиллаж байгаа байгаа юм байна. 
• УБТЗ-ын Удирдах газарт хашаа цэвэрлэгчээр 1980-1983 онд ажиллаж байсан
• УБТЗ-ын Худалдааны баазад ачигчаар 1983-1985 онд
• УБТЗ-ын Коллежид инженерийн багшаар 1990-1992 онд
• УБТЗ-ын АБТЭМА-ын орлогч даргаар 1992-1993 онд
• УБТЗ-ын ОУТЗТ-ийн захирлаар 1993-2006 оноос одоог хүртэл ажиллаж байсан.
• 2006-2008 Улаанбаатар Төмөр замын Боловсон хүчний Нийгмийн асуудал хариуцсан Орлогч даргаар ажилласан.
• 2008-2013 онд  Улаанбаатар Төмөр замын Нийгмийн асуудал хариуцсан орлогч даргаар ажиллаж байсан.
• 2015-2017 онд Улаанбаатар Төмөр замын Хөрөнгө оруулалт нийгмийн асуудал хариуцсан орлогч даргаар ажиллаж байсан.
• 2017 оноос одоог хүртэл УБТЗ-ын Тээвэрлэлт, хөдөлгөөн хариуцсан орлогч даргаар ажиллаж байгаа аж.  

Мөн өнөөдрийн Засгийн газрын хуралдаанаар хэлэлцэж, томилох юм байна.

Д.Болор