НӨАТ-ын урамшууллын сугалааны ээлжит тохирол энэ сарын 19-ний ням гарагт Боловсрол телевизээр орон даяар шууд явагдах юм байна. Энэ удаагийн сугалаанд 2018 оны долдугаар сарын 01-31-ний өдөр хүртэлх хугацаанд худалдан авалт хийсэн баримтаа наймдугаар сарын 18-ны өдрийн 23 цаг 59 минутаас өмнө Цахим төлбөрийн баримтын системд бүртгүүлснээр НӨАТ-ын урамшууллын сугалаанд хамрагдан азтан болох боломжтой аж.
Өнгөрсөн сарын тохирлоор 50 мянган төгрөгийн азтан 18590, 200 мянган төгрөгийн азтан 1872, нэг сая төгрөгийн азтан 188, 5 сая төгрөгийн азтан 13, 10 сая төгрөгийн азтан 3 тодорч, нийт 20666 иргэн азтан болсон юм. Харин супер шагналын эзэн тодроогүй билээ. Тиймээс энэ удаагийн тохиролд супер шагналын сан 100 сая төгрөг болж өссөн байна.
