НИТХ-ын Нийгмийн бодлогын хорооноос санаачлан өнөөдөр Нийслэлийн есөн дүүргийн Сургуулийн өмнөх боловсролын багш, сурган хүмүүжүүлэгчдэд зориулан ур чадварыг нэмэгдүүлэх болон, туршлага солилцох сургалт зохион байгуулж байгаа юм.
Тус сургалтыг БНСУ-ын доктор, профессор, эрдэмтэн багш нарын багтай хамтран явуулсан юм. Сургалтын үйл ажиллагаа 2018 оны наймдугаар сарын 15-16-ны өдрүүдэд Монгол III сургууль дээр хоёр өдөр үргэлжлэх бөгөөд Нийслэлийн сургуулийн өмнөх боловсролын багш, ажилчдыг хамруулан оролцуулж байгаа юм байна.
БНСУ-аас хүрэлцэн ирж, Монголын багш нарт ур чадварын сургалт явуулж байгаа ирсэн зочид, төлөөлөгчдийг НИТХ-ын Ажлын албаны дарга Б.Батбямба болон НИТХ-ын тэргүүлэгч Д.Мөнхжаргал нар хүлээн авч уулзан хүндэтгэл үзүүлж цаашдын хамтын ажиллагааны талаар санал солилцлоо.