2017 оны нэгдүгээр сард Улаанбаатар хотын Цагдаагийн газрын дарга, туслах комиссар Ж.Эрдэнэболд, нийслэлийн Аялал жуулчлалын газрын дарга Д.Батсүх нар хамтран ажиллах санамж бичигт гарын үсэг зурж байв. Тус санамж бичгийн хүрээнд “Оюутан цагдаа” арга хэмжээг үргэлжлүүлэн явуулахаар болсон билээ.
Улаанбаатар хотын Цагдаагийн газар, нийслэлийн Аялал жуулчлалын газар, МОХ-ны хамтарсан “Оюутан цагдаа” хөтөлбөрийг тав дахь жилдээ амжилттай хэрэгжүүлж дуусчээ. Хамт олноо манлайлан ажилласан таван оюутан цагдааг Монголын оюутны холбооны шагналаар шагнасан байна.
