Хичээлийн шинэ жил эхлэн гэж байгаатай холбогдуулан Нийслэлийн тээврийн газраас дараах арга хэмжээнүүдийг авч ажиллахаар болжээ. Нийслэлийн Тээврийн газрын орлогч дарга Х.Булгаа "Хичээлийн шинэ жилийг угтан наймдугаар сарын 25 буюу энэ бямба гарагаас эхлэн тээврийн хэрэгслийн тоог 10 хувиар нэмэгдүүлнэ. Иргэдийн зорчих эрэлт нэмэгдэж байгаагаас гадна энэ бямба, ням гарагт дугаарын хязгаарлалт үйлчлэх болсонтой холбогдуулаад энэ арга хэмжээг авч байна.
Ажлын өдрүүдэд нийт 959 автобус, троллейбус явж, энэ утгаараа автобус хоорондын зай богиносч байна. Өөрөөр хэлбэл хотын төвд 7-8 минутын хүлээгдлийн хугацаатай болж байна. Зарим чиглэлд автобусууд 23.00 цаг хүртэл явна" гэв.