Улаан-Үдийг зорьсон монгол иргэд дээрэмдүүлсэн хэрэг гарчээ. Тодруулбал багтай үл танигдах этгээдүүд гэр бүлийн хосуудад халдан, тэднийг хүлж, зэвсгээр сүрдүүлэн дээрэмдсэн хэрэг Улаан-Үд хотноо урьд шөнө гарсан байна. Хохирогчид нь Монголоос очсон жуулчид байсан байна. Гэмт хэрэг шөнийн гурван цагийн орчим гарсан байна. Галт зэвсэгтэй, багтай таван дээрэмчин гэр бүлийн хосуудын 80 мянган рублийг дээрэмдсэн гэж Буряадын ДХЯ-ны төлөөлөгч хэлжээ. Мөнгө дээрэмдсэний дараа тэд цагаан өнгийн гадаад машинд суун зугтжээ. Цагдаагийнхан дээрэмчдийг илрүүлэхээр шуурхай мөрдөн байцаалт явуулж эхэлсэн байна.
Монгол иргэдийг хүлж, зэвсгээр сүрдүүлэн дээрэмдсэн хэрэг гарчээ
2016-02-16 13:53:00
