Өнгөрсөн долоо хоногийн баасан гаригт МУИС-ийн оюутнууд сургалтын төлбөр нэмэгдсэнийг эсэргүүцэж, жагсаал цуглаан зохион байгуулсан билээ. Тус эсэргүүцлийн жагсаалын дараа Монгол Улсын Их Сургуулийн эрх бүхий албан тушаалтнуудад Авлигатай тэмцэх газраас эрүү үүсгэсэн байна. Тэднийг эрх мэдэл, албан тушаалын байдлаа урвуулан ашиглаж санхүүгийн дүрэм, журам зөрчиж цалин урамшуулал олгосон, гадаад томилолт, сургалтын төлбөр зардлыг үндэслэлгүйгээр гаргаж өөртөө болон бусдад давуу байдал олгосон байж болзошгүй хэмээн шалгаж байгаа аж.
