ГХЯ-наас шинэ оюутнуудын визийн асуудлыг ноотоор тавьжээ

БНХАУ-ын ЭСЯ-ны гадна сургуульдаа явахаар виз хүссэн оюутны дараалал үүсээд байгаа. Тэгвэл манай Гадаад харилцааны яамнаас сургуульдаа бүртгүүлэх тов нь тулгамдсан шинэ оюутнуудын асуудлыг БНХАУ-ын ЭСЯ-нд төлөөний ноотоор тавьсан байна.

Мөн даваа, лхагва, баасан гарагт оюутны визний мэдүүлгийг тус ЭСЯ цаг сунган хүлээн авах талаар хэлэлцсэн бөгөөд хэрэгжиж байгаа гэж Консулын газрын дарга Я.Ариунболд хэлжээ.