Өнөөдөр болох үйл явдлуудыг тоймлон хүргэж байна.
08:00 цагт: Хөдөлмөр, нийгмийн хамгааллын яамны харьяа бүх МСҮТ, Политехник коллеж хичээлийн шинэ жилийн нээлтээ хийх бөгөөд С.Чинзориг сайд өглөө 8:00 цагт Монгол-Солонгосын политехник коллеж, 9:00 цагт Барилгын политехник, 10:00 цагт Үйлдвэр, урлалын политехник коллежийн Эрдмийн баярт оролцоно.
08:00 цагт: Хууль сахиулахын их сургуулийн 2018-2019 оны хичээлийн шинэ жилийн нээлтийн арга хэмжээ тус сургуулийн жагсаалын талбайд болно. Тус арга хэмжээнд ХЗДХЯ, ЦЕГ, ХХЕГ, ОБЕГ, ШШГЕГ болон БСШУСЯ-ны удирдлагууд, ХСИС-ийн нийт бүрэлдэхүүн оролцоно.
09:00 цагт: ШУТИС-ийн Механик, тээврийн сургууль Монголдоо анх удаа нисэхийн чиглэлийн зарим нарийн мэргэжлээр энэ жилээс элсэлт авч боловсон хүчин бэлтгэдэг болж байна. Тиймээс тус сургуулийн нээлтэд ЗТХ-ийн дэд сайд Л.Халтар болон ИНЕГ-ын дарга Л.Бямбасүрэн нар оролцоно.
09:30 цагт: Багш нарын ажил хаялтыг зохион байгуулах ажлын хэсэг сургууль цэцэрлэгүүд, шинжлэх ухааны байгууллагуудаар явна.
10:00 цагт: СЗСҮТ-ийн Мэргэжлийн боловсрол, ур чадвар олгох сургуулийн 2018-2019 оны хичээлийн шинэ жилийн нээлтийн үйл ажиллагаа СЗСҮТ /11-р хороолол/-ийн өмнөх талбайд болно.
11:00 цагт: БСШУС-ын сайд Ц.Цогзолмаа ХААИС-ийн нээлтэд оролцоно.
11:00 цагт: Үндэсний мэдээллийн төвд Уул уурхай, хүнд үйлдвэрийн сайд Үндсэн хууль зөрчиж байгаа тул Үндсэн хуулийн цэцэд гомдол гаргасан талаараа иргэн Т.Батсайхан мэдээлэл хийнэ.
12:00 цагт: УИХ-ын гишүүн З.Нарантуяа Төрийн ордны А танхимд хэвлэлийн бага хурал хийнэ.
12:30 цагт: УУХҮ-ийн яамны хурлын танхимд "Ил тод, хариуцлагатай уул уурхай" хэвлэлийн бага хуралтай. Хуралд сайд Д.Сумъяабазар болон газрын дарга нар оролцоно.
