Дүнжингарав захын урд замд ноцтой осол гарч нэг хүн амиа алджээ. Тодруулбал, өнөөдөр 10 цагийн орчимд Баянзүрх дүүргийн 12-р хороо Дүнжингарав худалдааны төвийн урд замаас Улиастайн уулзвар явах замд Porter маркийн автомашин нь Howo маркийн автомашинтай мөргөлдөж, жолооч 32 настай З-гийн амь нас хохирч, нэг хүн хүнд гэмтсэн ноцтой зам тээврийн осол гарчээ.
Одоогоор ослын шалтгаан нөхцөлд дүгнэлт гараагүй бөгөөд шалгалтын ажил явагдаж байна гэж Замын цагдаагийн албанаас мэдээллээ.
