2018 оны есдүгээр сарын 6-ны өдөр хоёр настай эрэгтэй хүүхэд Чингэлтэй дүүргийн V хороо буюу Теди төвийн орчмоос алга болсон гэх мэдээлэл цагдаагийн байгууллагын 102 дугаарын утсанд бүртгэгджээ.
Мэдээллийн дагуу хүүхдийг хайх ажлыг зохион байгуулж есдүгээр сарын 7-ны өдөр Эрдэнэтээс эсэн мэнд олж хамгаалах байранд хүргэсэн байна.Цагдаагийн байгууллагаас хүүхдийг хулгайлсан этгээд нь 1989 онд төрсөн эрэгтэй О болохыг тогтоож, Чингэлтэй дүүргийн цагдаагийн нэгдүгээр хэлтэст хэрэг бүртгэлтийн хэрэг нээн, эрэн сурвалжилж байгаа аж.
